Iruñeko Udalaren laguntzaz Gurasotasun positiboko taldeak programa (Gurasoen Eskola izandakoa) jarri dugu martxan JASO IKASTOLAN.
Programaren xede nagusia da gurasoei edo familian hezkuntza-ardurak dituzten helduei baliabideak ematea, familia-elkarbizitza positiboa eraikitzeko lagungarri zaizkien estrategiak eskuratu ditzaten. Horretarako, 2019-2020ko ikasturtean, haur hezkuntza eta lehen hezkuntzako ikastolako 24 guraso arituko dira profesional baten zuzendaritzapean esperientziak partekatzen eta hazkuntzak egunerokoan dakartzan egoera batzuei erantzuten.
Programa taldeka antolaturik dago, bi orduko 5 saio aurrez aurrekoetan eta ikasgela birtualeko saio batean.
Gure lantaldeak, hasteko, gai posible batzuk jarri ditu mahai gainean haurren garapen-fase bakoitzarentzat, baina gaiak, datekin, ordutegiekin eta lan-metodologiarekin batera, taldean ezarriko dira beti eta atzemandako beharrei lehentasuna emanez.
Ikastolan lehenengo saioa azaroaren 25ean izan da.
