Hezkuntza Proiektua
Ikastolan lantzen diren lau hizkuntzen irakaskuntza eta erabilerari dagozkien alderdiak biltzen dituena eta haien trataerari koherentzia ematen diena da hizkuntza proiektua. Honen bitartez Hizkuntzen Trataera Bateratua lortzen dugu.
Jaso Ikastolan lau hizkuntza lantzen ditugu:
| Maila | Adina | Euskara | Gaztelania | Ingelesa | Frantsesa | |
|---|---|---|---|---|---|---|
| H.H | 1 | 3-4 | X | |||
| 2 | 4-5 | X | X (2:30) | |||
| 3 | 5-6 | X | X (2:30) | |||
| L.H. | 1 | 6-7 | X | X (3 ordu) | ||
| 2 | 7-8 | X | X (3 ordu) | |||
| 3 | 8-9 | X | X (4 ordu) | X (3 ordu) | ||
| 4 | 9-10 | X | X (4 ordu) | X (3 ordu) | ||
| 5 | 10-11 | X | X (4 ordu) | X (3 ordu) | ||
| 6 | 11-12 | X | X (4 ordu) | X (3 ordu) | ||
| DBH | 1 | 12-13 | X | X (4 ordu) | X (4 ordu) | X (2 ordu) |
| 2 | 13-14 | X | X (4 ordu) | X (4 ordu) | X (2 ordu) | |
| 3 | 14-15 | X | X (4 ordu) | X (5 ordu) | X (2 ordu) | |
| 4 | 15-16 | X | X (4 ordu) | X (5 ordu) | X (2 ordu) | |
Gure ikastolako Hizkuntz Proiektuak Ikastolen Hizkuntz Proiektua hartzen du erreferentzia-markotzat:
Eguneroko jardunean hizkuntzen trataerari ematen diogun lehentasuna ikusirik, egin beharreko lana gidatuko duten hizkuntzekiko helburu orokor hauek ondorioztatzen ditugu:
- Hezkuntzaren eta Hizkuntza Proiektuaren ardatz euskara duela, pertsona euskaldun eleaniztunak hezi nahi ditu ikastolak, beste hizkuntzen beharrezko ezagutza eta erabilera erdiestea bideratuz, hots, Nafarroako hizkuntzez gain (euskara eta gaztelania), ingelesa atzerriko lehen hizkuntza gisa ikasiko dutenak eta gurean hain gertu dugun bigarren hizkuntza baten ezagupenak (frantsesa) eskura ditzaketenak.
- Halaber, Ikastolak euskaraz gauzatu nahi du bere hezkuntza komunitatearen barne bizitza; euskararen eta euskal kulturaren transmisioa, garapena eta zabalkundea ziurtatu nahi ditu mota guztietako harremanetan eta horretarako sortutako bitartekoetan.
- Euskararen biziberritzea indartzeari dagokionez, Ikastolak euskararen normalizazio-prozesuan eragile izan nahi du txertatuta dagoen komunitatean. Hartara, bestelako gizarte eragileekin zein askotariko instituzioekin lankidetzan jarduteko borondatea du.