Eraikin moderno eta zabala dugu, eskolako nahiz eskolaz kanpoko jarduerak egiteko instalaziorik hoberenak dituena.

Iruñeko Mendebaldea auzoan dago, Musikako erdiko eta goiko zikloetarako Kontserbatorio berria eraikiko den orubearen ondoan.

7.500 metro karratu ditu eraikiak, Iruñeko Udalak lagatako lurraren gainean.

Instalazio osoak ditu, berri-berriak: laborategiak; teknologi tailerrak; informatika, plastika eta musika gelak; tutoretzak; liburutegia; jantokiak, etab.
Kirol instalazio osoak ditugu: gimnasioa, pilotaleku estalia eta kiroldegia.